شەرقى تۈركىستان (ئۇيغۇرىستان) مۇستەقىللىق ھەرىكىتى تەشكىلاتى تەييارلىق كومىتېتى

شەرقى تۈركىستان (ئۇيغۇرىستان) مۇستەقىللىق ھەرىكىتى تەشكىلاتى تەييارلىق كومىتېتى

《19032018 نومۇرلۇق بايانات》

ئەسسالامۇ ئەلەيكۇم مۇھاجىرەتتىكى بارلىق شەرقى تۈركىستانلىق قېرىنداشلار.

ئاللاھ تائالانىڭ رەھمەت ۋە ئىنايىتى بىلەن، ۋەتىنىمىز شەرقى تۈركىستاننى خىتاي ھاكىمىيىتىنىڭ زۇلمىدىن ئازات قىلىش، ئەزىز مىللىتىمىزنى خىتاي ھاكىمىيىتىنىڭ ئىشغالىيىتىدىن قۇتقۇزۇش يولىدا ئۇزۇن يىللاردىن بېرى ھەر قايسى ئەللەردە پىداكارلىق بىلەن خىزمەت قىلىپ كېلىۋاتقان، دەۋا يولىدىكى بىر تۈركۈم غوللۇق ۋەكىللەرنىڭ گوللاندىيەدە بىر ئارىغا جەم بولىشى بىلەن،17— 19. مارت ئۈچ كۈنلۈك جىددى مۇزاكىرە قىلىش نەتىجىسىدە، ۋەتىنىمىزنىڭ مۇستەقىللىقى، مىللىتىمىزنىڭ ئازاتلىقى ئۈچۈن كۈرەش قىلىدىغان ، ئىسمى جىسمىغا مۇناسىپ، خەلقئارالىق بىر مەركەزى تەشكىلات قۇرۇشنى قارار قىلدۇق.

ۋەتىنىمىز شەرقى تۈركىستان خىتاي ھاكىمىيىتى ئىشغالىيىتىدىن قۇتۇلۇپ، تولۇق مۇستەقىل بولمىغىچە خەلقىمىزنىڭ خىتاي ھاكىمىيىتى زۇلمىدىن بىر كۈنمۇ ئامان قالمايدىغانلىقى ئېنىق.

ئاللاھ رىزاسى يولىدا، ۋەتەننىڭ مۇستەقىللىقى، مۇسۇلمان خەلقىمىزنىڭ ئازاتلىقى ئۈچۈن ئۆزلىرىنى پىدا قىلىشنى ئىمانى، ئىنسانى ، ۋىجدانى بۇرچۇم- دەپ قارايدىغان ھەر بىر قېرىنداشنىڭ بۇ سەپكە قېتىلىشىنى ۋە بىز بىلەن بىرلىكتە خىزمەت قىلىشىنى چىن دىلىمىزدىن ئۈمىت قىلىمىز.

قۇرۇلۇش ئالدىدا تۇرغان مەركىزى تەشكىلاتىمىزنىڭ پرىنسىپى، ئىدىيىسى، كۈرەش يولى بىردەك خىتاي تاجاۋۇزچلىرىنى ۋەتىنىمىزدىن قوغلاپ چىقىرىپ، خەلقىمىزنى ئىنسانى ھۆرلۈككە ئېرىشتۈرۇشتۇر. يەنى بىزنىڭ بىرلا دۈشمىنىمىز بار، ئۇ بولسىمۇ زالىم خىتاي ھاكىمىيىتىدۇر. باسمىچى، زوراۋان، مۇستەبىت خىتاي ھاكىمىيىتىگە قارشى كۈرەش قىلىشنى ئۆزىنىڭ ھەرىكەت مىزانى قىلغان ھەرقانداق شەرقى تۈركىستان تەشكىلاتلىرى بىزنىڭ دوستىمىزدۇر.

قۇرۇلغۇسى مەركىزى تەشكىلاتىمىزغا مۇھاجىرەتتىكى ھەر بىر ۋىجدانلىق ئۇيغۇر، ۋەتەن داۋاسى يولىدىكى ھەر بىر شەرقى تۈركىستانلىق ۋە تەشكىلاتلار دەۋەتلىكتۇر.

ئالى ئېھتىرام بىلەن:

شەرقى تۈركىستان (ئۇيغۇرىستان) مۇستەقىللىق ھەرىكىتى تەشكىلاتى تەييارلىق كومىتېتى

19.03.2018

ئامستېردام – گوللاندىيە

Sherqiy Türkistan (Uyghuristan) Musteqilliq Herikiti Teshkilati teyyarliq komiteti

《19032018 Nomurluq bayanati》

Essalamu eleykum muhajirettiki barliq Sherqiy Türkistanliq qerindashlar.

Allah ta’allaning rehmet we inayiti bilen, wetinimiz Sherqiy Türkistanni xitay hakimiyitining zulmidin azat qilish, eziz millitimizni xitay hakimiyitining ishghaliyitidin qutquzush yolida uzun yıllardın beri her qaysi ellerde pidakarliq bilen xizmet qilip keliwatqan, dewa yolidiki bir türküm gholluq wekillerning Gollandiyede bir arigha jem bolishi bilen, 17 -19. mart üch künlük jiddiy muzakire qilish netijiside, wetinimizning musteqilliqi, millitimizning azatliqi üchün küresh qilidighan , ismi-jismigha munasip, xelqaraliq bir merkiziy teshkilat qurushni qarar qilduq.

Wetinimiz Sherqi Türkistan xitay hakimiyitining ishghaliyitidin qutulup, toluq musteqil bolmighiche xelqimizning xitay zalimliri zulmidin bir künmu aman qalmaydighanliqi eniq. Allah rizasi yolida, wetenning musteqilliqi, musulman xelqimizning azatliqi üchün özlirini pida qilishni imani, insaniy , wijdaniy burchum dep qaraydighan her bir qerindashning bu sepke qetilishini we biz bilen birlikte küresh qilishini chin dilimizdin ümit qilimiz.

Qurulush aldida turghan merkiziy teshkilatimizning pirinsipi, iddiyisi, küresh yoli birdek xitay tajawuzchlirini wetinimizdin qoghlap chiqirip, xelqimizni insaniy hörlükke erishtürüshtur. Yeni bizning birla düshminimiz bar, u bolsimu zalim xitay hakimiyitidur. Basmichi, zorawan, mustebit xitay hakimiyitige qarshi küresh qilishni özining heriket mizani qilghan herqandaq Sherqiy Türkistan teshkilatliri bizning dostimizdur.

Qurulghusi merkizi teshkilatimizgha muhajirettiki her bir wijdanliq Uyghur, weten dawasi yolidiki her bir Sherqiy Türkistanliq we teshkilatlar dewetliktur.

Aliy ehtiram bilen:
Sherqiy Türkistan (Uyghuristan) Musteqilliq Herikiti Teshkilati teyyarliq komiteti.
19.03.2018
Amsterdam – Gollandiye

шәрқий түркистан (уйғуристан) мустәқиллиқ һәрикити тәшкилати тәйярлиқ комитәти

《19032018 номурлуқ баянати》

әссаламу әләйкум муһаҗирәттики барлиқ шәрқий түркистанлиқ қәриндашлар.

аллаһ та’алланиң рәһмәт вә инайити билән, вәтинимиз шәрқий түркистанни хитай һакимийитиниң зулмидин азат қилиш, әзиз миллитимизни хитай һакимийитиниң ишғалийитидин қутқузуш йолида узун йıллардıн бәри һәр қайси әлләрдә пидакарлиқ билән хизмәт қилип кәливатқан, дәва йолидики бир түркүм ғоллуқ вәкилләрниң голландийәдә бир ариға җәм болиши билән, 17 -19. март үч күнлүк җиддий музакирә қилиш нәтиҗисидә, вәтинимизниң мустәқиллиқи, миллитимизниң азатлиқи үчүн күрәш қилидиған , исми-җисмиға мунасип, хәлқаралиқ бир мәркизий тәшкилат қурушни қарар қилдуқ.

вәтинимиз шәрқи түркистан хитай һакимийитиниң ишғалийитидин қутулуп, толуқ мустәқил болмиғичә хәлқимизниң хитай залимлири зулмидин бир күнму аман қалмайдиғанлиқи әниқ. аллаһ ризаси йолида, вәтәнниң мустәқиллиқи, мусулман хәлқимизниң азатлиқи үчүн өзлирини пида қилишни имани, инсаний , виҗданий бурчум дәп қарайдиған һәр бир қәриндашниң бу сәпкә қәтилишини вә биз билән бирликтә күрәш қилишини чин дилимиздин үмит қилимиз.

қурулуш алдида турған мәркизий тәшкилатимизниң пиринсипи, иддийиси, күрәш йоли бирдәк хитай таҗавузчлирини вәтинимиздин қоғлап чиқирип, хәлқимизни инсаний һөрлүккә әриштүрүштур. йәни бизниң бирла дүшминимиз бар, у болсиму залим хитай һакимийитидур. басмичи, зораван, мустәбит хитай һакимийитигә қарши күрәш қилишни өзиниң һәрикәт мизани қилған һәрқандақ шәрқий түркистан тәшкилатлири бизниң достимиздур.

қурулғуси мәркизи тәшкилатимизға муһаҗирәттики һәр бир виҗданлиқ уйғур, вәтән даваси йолидики һәр бир шәрқий түркистанлиқ вә тәшкилатлар дәвәтликтур.

алий әһтирам билән:

шәрқий түркистан (уйғуристан) мустәқиллиқ һәрикити тәшкилати тәйярлиқ комитәти.

19.03.2018
амстәрдам – голландийә