ئۇيغۇرىستان ئازاتلىق تەشكىلاتى
2015-يىلى 7-ئاينىڭ 2-كۈنى مەركىزى مىيونخېندىكى مۇستەقىل كارخانىچىلار ئىپتار سۆھبىتىگە ئۇيغۇرىستان ئازاتلىق تەشكىلاتى رەسمى تەكلىپ بىلەن قاتناشقان. ئىپتار ئەھلى بىلەن ئۇيغۇرىستان ئازاتلىق تەشكىلاتىنىڭ ئىپتارغا قاتناشقان ئالاھىدە ۋەكىلى ئىجرائىيە كومىتىت رەئىسى ئالىمجان مەمەت ئوتتۇرىسىدا ئۇيغۇرىستان بىلەن شەرقى تۈركىستانچىلىق ئۈستىدە قىزغىن ئىلمى سۆھبەتلەر بولغان.
سائادەت پارتىيىسى مىيونخېن شۆبىسىنىڭ رەئىسى ئابدۇسەمەت تەمەل ئەپەندى ئۇيغۇرىستان دىگەن ئىسىمنىڭ ئۇيغۇرلارنىڭ مەۋجۇتلىغىنى ئىپادىلەشتە سىياسىۋىلىگى،ئېتنىۋىلىگى،جەھەتتە توغرا تاللانغان ئىسىم ئىكەنلىگىنى مۇئەييەنلەشتۈرگەن.
مۇستەقىل كارخانىچىلار تەشكىلاتى مىيونخېن شۆبىسىنىڭ رەئىسى سالىم شاھىن ئۈزىنىڭ تۈركىيە ۋە ياۋروپا ئارىسىدىكى سودا تىجارەت جەريانىدا ئۇچراتقان نۇرغۇن ئۇيغۇرلارنىڭ ئۈزىنى تۈركىستانلىق مۇسۇلمان دەپ ئاتايدىغانلىغىنى،بۇنى سىياسى جەھەتتە چۈشۈنەلمەي قىينالغانلىغىنى ئوتتۇرىغا قويۇپ ئۆتتى.
ۋە مەزكۇر تەشكىلاتنىڭ مۇئاۋىن رەئىسى سائىت يۈكسەل ئۇيغۇرلارنىڭ ئۈزىنى ئۇيغۇرىستانلىق دەپ ئاتىسا ھەم ئۇيغۇر ئىكەنلىگى،شۇنداقلا ئۇيغۇرلارنىڭ ئۇيغۇر مۇسۇلمانلىرى دەپ ئالاھىدە ئاتىمىسىمۇ ئۇيغۇرلارنىڭ تولۇق مۇسۇلمان مىللەت ئىكەنلىگى،ئۇيغۇرلارنىڭ ئىچىدە باشقا دىنغا ئېتىقات قىلىدىغانلارنىڭ يوقلىغى،شۇڭا ئۇيغۇرنىڭ كەينىگە مۇسۇلمان دىگەن سۆزنى قوشۇپ ئۇيغۇر مۇسۇلمانلىرى دەپ ئاتاشنىڭ ئەمىلىيەتتە ئۇيغۇرلارنى بىر دىنى پۈتۈنلىكتىن پارچىلاپ باشقا دىنى ئېقىملارنى كىرگۈزۈش،پەيدا قىلىش سۈيىقەستى ئىكەنلىگىنى ئەسكەرتىپ ئۆتتى.
ئاخىرىدا ئالىمجان مەمەتگە بېرىلگەن 5 مىنۇتلۇق سۆز پۇرسىتىدىن پايدىلىنىپ خىتاي مۇستەملىكىچىلىرىنىڭ ئۇيغۇرىستاندا ئېلىپ بېرىۋاتقان مۇستەملىكە سىياسىتىنى قاتتىق پاش قىلدى
ئۇيغۇرىستان ئازاتلىق تەشكىلاتى تەشۋىقات بۆلىمى
