رۇسىيەگە قوشنا دۆلەتلەرنىڭ ھەربى كۇچى ۋە ھەربى خىراجىئىەتلىرى

rusya_map   يېقىندا رۇسىيە ھەربىي ئىشلار كۈزەتكۈچىسى ئوسىپوۋ  ‹ دەلىل ۋە ئەمەلىيەت › ھەپتىلىك ژورنىلىدا ماقالە ئىلان قىلىپ، رۇسىيىگە قوشنا دۆلەتلەرنىڭ ھەربىي كۈچىگە قارىتا ئىخچام باھا بېرىپ چىققان. غەربىي ياۋرۇپادىن شىمالىي ئاسىياغىچە رۇسىيە 18دۆلەت بىلەن چىگرىلىنىدۇ. ئاپغازىيە ۋە جەنۇبىي ئوستىياننى ھىساپقا ئالمىغاندا قالغان 16دۆلەتنىڭ ھەربىي كۈچلىرى كۈچلۈك ۋە ئاجىز، بۇلاردىن ئامېرىكا بىلەن بىر قىسىم ناتو دۆلەتلىرى ئەڭ كۈچلۈك.

نورۋىگىيە

ناتوغا ئەزا دۆلەت، ھازىرغىچە خېلى زور كۆلەمدە مەجبۇرى ئەسكەرلىك تۈزۈمى يۈرگۈزىدۇ. قۇرۇقلۇق ئارمىيىسىنىڭ 14700ئوفىتسىر-ئەسكىرى ئىچىدە 8700نەپىرى ھەربىي مەجبۇرىيەت بۇيىچە ۋەزىپە ئۆتەيدۇ. نورۋىگىيە ئاساسى جەھەتتىن قۇرۇقلۇق ئارمىيە قۇرال-جابدۇقلىرى ئىشلەپ چىقارمايدىغان بۇلۇپ تانكىسى گىرمانىيىنىڭ، ئايرۇپىلانى ئامېرىكىنىڭ. دىڭىز ئارمىيىسىنىڭ 6دانە چۆكمە كىمىسى، 5دانە قوغدىغۇچى پاراخوتى ۋە بىرقىسىم مىنا تازىلاش پاراخوتى، چارلاش پاراخوتى ۋە تىزقېيىقلىرى بار. پۈتكۈل ئارمىيە ئادەم سانى 24مىڭ بۇلۇپ نورۋىگىيە ھۆكۈمىتى بۇلتۇردىن باشلاپ ئارمىيىگە ئاياللارنى قۇبۇل قىلىشنى ئويلىشىۋاتىدۇ. جەمئىي ھەربىي ئىشلار خامچوتى 7مىليارد 400مىليۇن ئامىرىكا دوللىرى.

فىنلاندىيە

فىنلاندىيە ئەزەلدىن ھېچقانداق ھەربىي گوروھقا قاتناشمىغان بۇلۇپ ئومۇمىي ئارمىيە كۆلىمى 15مىڭ، ئادەم تۇلۇقلاش مەنبەسى مەجبۇرى قۇبۇل قىلىش بۇلۇپ ئەسكەرلەرنىڭ ھەربىي مەجبۇرىيەت ئۆتەش مۇددىتى ناھايىتى قىسقا- 6ئاي. قۇرۇقلۇق ئارمىيىسىگە 300دانە تانكا سەپلەنگەن، بۇلاردىن 60 سوۋىتىنىڭ T-72تىپلىق تانكىسى،قالغانلىرى ئازراق ئۆزگەرتىش ئېلىپ بېرىلغان گىرمانىيىنىڭ قاپلان ناملىق تانكىلىرى. يىنىك قۇراللىرىنى كالاشىنكوف ئاساسىدا ئۆزى مۇستەقىل ياسىغان. دىڭىز ئارمىيىسىدە 42دانە مىنا تازىلاش پاراخوتى بۇلۇپ چۆكمە پاراخوتى يوق. ھاۋا ئارمىيىسىگە ئامىرىكىنىڭ رۇخسىتى بىلەن ئىشلەپ چىقىرىلغان ناھايىتى ئىلغان F/A-18Cبەلگىلىك كۈرەشچى-بومباردىمان ئايرۇپىلانى سەپلەنگەن. ھەربىي خام چوتى 2مىليارد 800مىليۇن دوللار.

ئىستونىيە

ناتوغا ئەزا دۆلەت، ھەربىي ۋەزىپە ئۆتەۋاتقان ئەسكىرى 5500 نەپەر، زاپاستىكى 30مىڭ. قۇرۇقلۇق ئارمىيە جابدۇقلىرى كونا سوۋىتچە قۇراللار (زەمبىرەك، بىرونىۋىك ماشىنا) ۋە شىۋىتسىيە، گىرمانىيە، ئامىرىكا، ئىسرائىلىيە ۋە جەنۇبىي ئافرىقا ئىشلەپ چىقارغان ھەرخىل قۇراللار. ھاۋا ئارمىيسىىدە چىخنىڭ بۇرانقۇش ناملىق مەشىق ئايرۇپىلانى ۋە سوۋىتنىڭ AN2ئايرۇپىلانى بار. دىڭىز ئارمىيىسىدە ئەنگلىيىنىڭ 3دانە مىنا تازىلاش پاراخوتى ۋە شىۋىتىسىنىڭ بىردانە نىمكەش قۇماندانلىق پاراخوتى  بار، ھەربىي خامچوتى 2مىليارد 595مىليۇن دوللار.

لاتۋىيە  

ناتوغا ئەزا دۆلەت، ھازىر ۋەزىپە ئۆتەۋاتقان ئەسكىرى 5100 نەپەر، زاپاستىكى 5مىڭ. كەسپىي ھەربىيلىك تۈزۈمى يولغا قۇيۇلغان بۇلۇپ قۇرۇقلۇق ئارمىيسىىدە سوۋىتچە قۇرالدىن 3لا بار، ئەسكەرلەرگە تانكىنى چۈشەندۈرۈشتىكى قورچاق بۇيۇم ھىساپلىنىدۇ. قۇرال-جابدۇقلىرىنى باشقا دۆلەت ياسىغاندىن سىرت دىڭىز ئارمىيىسىنىڭ ئاساسلىق قۇرالى- كىچىك تىپتىكى پاراخوت ۋە تىز قېيىقلاردىن تەركىپ تاپقان. ھاۋا ئارمىيسىىدە 4دانە AN2ئايرۇپىلانى 2دانە سوۋىتچە تىك ئۇچار، رۇسىيىدىن ئىمپورت قىلغان 4دانە زامانىۋى mi-8 تىك ئۇچارى بار، ھەربىي خام چوتى 87مىليۇن دوللار.

لىتۋا  

ناتوغا ئەزا دۆلەت، ھەربىي ۋەزىپە ئۆتەۋاتقان ئەسكىرى 10600نەپەر، زاپاستىكى 6700. قۇرۇقلۇق ئارمىيىسى 8200 بۇلۇپ بىر تىز ئىنكاس قايتۇرۇش بىرىگادىسى ۋە 7مۇستەقىل باتالىيوندىن تەركىپ تاپقان. باشقا بالتىق دىڭىز دۆلەتلىرى ئوخشىمايدىغىنى لىتۋا ئارمىيسىىدە ھېچقانداق سوۋىتچە قۇرال-جابدۇقلار يوق بۇلۇپ پەقەت ھاۋا ئارمىيسىىدا 9دانە mi-8تىراسفورت ئايرۇپىلانى ۋە دىڭىز ئارمىيىسىدە  بىردانە ئالدىنقى ئەسىرنىڭ 60يىللىرى ياسالغان كىچىك تىپتىكى چۆكمە پاراخوتقا كىمىلا قالغان. ھەربىي خامچوتى 490مىليۇن دوللار.

پولشا

1999-يىلى ناتوغا كىرگەن، ھازىر توختاملىق ئەسكەر تۈزۈمى يولغا قۇيغان بۇلۇپ پۈتكۈل ئارمىيە كۆلىمى 120مىڭ، بۇلاردىن قۇرۇقلۇق ئارمىيىسى 68مىڭ، ھاۋا ئارمىيىسى 25مىڭ، دىڭىز ئارمىيىسى 8مىڭ. قۇرۇقلۇق ئارمىيىسىنىڭ ئاساسلىق جابدۇقى 1000غا يېقىن گىرمانىيىنىڭ(قاپلان2) ۋە سوۋىتنىڭ رۇخسىتى بىلەن ئىشلەپ چىقىرىلغان تانكىلار، بىرونىۋىكنى ئۆزىمۇ ئىشلەپ چىقىرىدۇ سىرتتىنمۇ سېتىۋالىدۇ. ئايرۇپىلان ئەترەتلىرى ئارىلاشما تەركىپلىك بۇلۇپ سوۋىتنىڭMiG-29 مۇ ئامىرىكىنىڭ F-16 سوقۇش ئايرۇپىلانىمۇ بار. ھاۋا مۇداپىئە سېستىمىسى پۈتۈنلەي سوۋىتچە قۇراللاردىن تەركىپ تاپقان بۇلۇپ ئەڭ يىڭىسى S-200. دىڭىز ئارمىيىسىدە 5دانە چۆكمە كىمە، 2دانە قوغدىغۇچى پاراخوت، 1دانە شىپەرەك(يىنىك تىپلىق، ئاۋاق، ۋىجىك)قوغدىغۇچى پاراخوت، بىردانە قۇماندانلىق پاراخوتى ۋە 30دىن ئۇشۇق تىز قېيىق بار، ھەربىي خام چوتى 420مىليۇن دوللار.

بىلرۇسىيە

ھەربىي ۋەزىپە ئۆتەۋاتقان ئادەم سانى 62مىڭ، زاپاستىكى 350مىڭ، ئارىلاشما تەركىپلىك بۇلۇپ ئوفىتسىر ۋە توختاملىق ئەسكەرلەر %60نى، مەجبۇرىيەتتىكى ئەسكەرلەر %40نى ئىگىلەيدۇ. قۇرۇقلۇق ئارمىيە جابدۇقلىرى 1500تانكا ۋە 2000دانە بىرونىۋىك، 1000دانە زەمبىرەك ۋە كۆپ ئىستوۋۇلۇق رېئاكتىپ مىناميوت، 80دانە ئادەتتىكى تانكتىكىلىق باشقۇرۇلىدىغان بومبا قۇيۇپ بىرىش قۇرۇلمىسى. ھاۋا مۇداپىئە قىسمىغا زامانىۋىيلاشتۇرۇلغان S-300باشقۇرۇلدىغان سىنارەد سېستىمىسى سەپلەنگەندىن سىرت ھاۋا ئارمىيسىىدە MiG-29،su27،SU25قىرغۇچى ئايرۇپىلانلىرى بار.ھەممە قۇرال-جابدۇقلىرى دىگۈدەك سوۋىت-رۇسچە بۇلۇپ ئاز قىسىم خىتاينىڭ بىرونىۋىك جىپ ماشىنلىرى بار، دىڭىز ئارمىيىسى يوق، ھەربىي خامچوتى 420مىليۇن دوللار.

ئوكرائىنا

ئۆتكەن يېقىنقى ھەربىي قىسقارتىش ۋە ھەربىيلەرنى كەسىپلەشتۈرۈشتىن كىيىنكى ئارمىيە كۆلىمى 120مىڭ، قىرىم رۇسىيە تەرىپىدىن يۇتىۋېلىنغان (ئەسلى يازمىدا قۇشۇلغان دەپ ئېلىنغان)دىن كىيىن قانچىلىك ئۇكرائىنا ئەسكىرىنىڭ رۇسىيە ئارمىيىسىگە قېتىلغانلىقى ئىنىق ئەمەس. قۇرۇقلۇق ئارمىيىسىگە 700دانە تانكا سەپلەنگەن (ئۇكرائىنا ئىلغار تانكىلارنى ئىشلەپ چىقىرالايدۇ) ئەمما جەڭگە يارايدىغانلىرى كۆپ ئەمەس. ھاۋا ئارمىيىسىدە 160دانە سوۋىتچە سوقۇش ۋە تىراسفورت ئايرۇپىلانى بار. قىرىم رۇسىيە تەرىپىدىن تارتىۋېلىنغاندىن كىيىن دىڭىز ئارمىيىسىنىڭ جابدۇقى، جەڭگىۋارلىق دەسمايىسى ئىنىق ئەمەس، ھەربىي خامچوتى 1مىليارد 800مىليۇن دوللار.

گىروزىيە

گىروزىيە ئارمىيىسى 2008-يىلىدىكى گروزىيە-رۇسىيە ئۇرۇشىدىن كىيىن تېخى ماغدۇرىغا كىلىپ بۇلالمىغان بۇلۇپ ھاۋا ۋە دىڭىز ئارمىيىلىرى ئاساسىي جەھەتتىن يوقنىڭ ئورنىدا. قۇرۇقلۇق ئارمىيىسى 20مىڭ، قورال-جابدۇقلىرى يەتتە ئىقلىمنىڭ- ئامىرىكا، تۈركىيە، رومىنىيە، سابىق سوۋىت ۋە ئۇكرائىنادىن كەلگەن زەمبىرەك ۋە بىرونىۋىكلاردىن تەشكىللەنگەن. ئىسرائىلىيە ئاساسلىق يىنىك قۇراللار ۋە ئۇچقۇچىسىز ئايرۇپىلان بىلەن تەمىنلەيدىغان بۇلۇپ ھەربىي خامچوتى 418مىليۇن دوللار(GDPنىڭ %4نى ئىگىلەيدۇ)، گىروزىيە رەھبەرلىرى يېقىنقى بىرقانچە يىل مابەينىدە دۆلەت مۇداپىئەسىنى كۈچەيتىشكە كۈچەۋاتىدۇ.

ئەزەربەيجان

ئارمىيە كۆلىمى 67مىڭ، زاپاستىكى 300مىڭغا يېقىن، ھەربىي مەجبۇرىيەت تۈزىمى يولغا قۇيۇلغان، ۋەزىپە ئۆتەش مۇددىتى 17ئاي. قۇرۇقلۇق ئارمىيىسى ئاساسلىق زەربىدار كۈچ بۇلۇپ 300دىن كۆپ T-72تانكا ۋە رۇسىيە ياسىغان ئەڭ يىڭى تىپتىكى T-90تانكىدىن 100دىن ئۇشۇق. ئەزەربەيجان نىفىت كىرىمىگە ئېرىشكەندىن كىيىن رۇسىيىدىن ئىلغار قۇراللار(ئېغىرتىپلىق تانكىنىمۇ ئۆز ئىچىگە ئالىدۇ)نى سېتىۋېلىشقا ناھايىتى قىزىقتى. ئەزەربەيجاننىڭ بۇ ئىشلارنى ئالاھىدە يۇشۇرۇپ ئولتۇرمايدۇ- مەقسىتى ئەرمىنىيىدىن ناگورنۇ-قاراباخنى قايتۇرىۋېلىش. ھاۋا ئارمىيىسىنىڭ كۆلىمى زور ئەمەس،ئاساسلىق كونا سوۋىتچە ئايرۇپىلان، ھۇجۇمچى تىك ئۇچارلار..يەنە ئەڭ يىڭى تىپتىكى mi35تىك ئۇچار. دىڭىز ئارمىيىسى ئاساسلىق كاسپىي دىڭىزىدىكى چارلىغۇچى پاراخوت ۋە تىز قېيىقلار، ھەربىي خامچوتى 3مىليارد 700مىليۇن دوللار( خامچوتى داۋاملىق ئېشىۋاتىدۇ)

قازاقىستان

ئارمىيە كۆلىمى 110مىڭ، 4900تانكا، 5000دانە بىرونىۋىك، 9000دىن ئۇشۇق زەمبىرەك، 147دانەكۆپ ئىستوۋۇلۇق رېئاكتىپ مىناميوت، بارلىق قۇراللىرى دىگۈدەك سوۋىتچە ۋە رۇسىيە ئىشلەپ چىقارغان. ھاۋا ئارمىيىسىنىڭ ئاساسلىق قۇراللىرى مىگ 29،مىگ31، س27 ۋە س25قىرغۇچى، تىك ئۇچار ئايرۇپىلانلار. دىڭىز ئارمىيىسى كاسپىي دىڭىزىغا ئۇرۇنلاشتۇرۇلغان بۇلۇپ جابدۇقلىرى يەتتە ئىقلىمنىڭ- رۇسىيە، ئۇكرائىنا، ئامىرىكا، كورىيەدىن كەلتۈرۈلگەن. ھاۋا مۇداپىئە قىسمىغا زامانىۋىيلاشتۇرۇلغان S-300سېستىمىسى سەپلەنگەن ۋە رۇسىيە بىلەن بىرلىشىپ ھاۋا مۇداپىئە ئورتاق گەۋدىسى قۇرغان. ھەربىي خامچوتى 1مىليارد 300مىليۇن دوللار.

موڭغۇلىيە

ئارمىيە كۆلىمى 10مىڭ ئادەم بۇلۇپ سوۋىتنىڭ بىر ماتورلاشقان پىيادەئەسكەرلەر دىۋىزىيىسىگە باراۋەر. 3تىن 1قىسىم ئەسكەر مەجبۇرىيەت بۇيىچە ۋەزىپە ئۆتەيدۇ، مۇددىتى بىر يىل. ئازقىسىم تانكا ۋە بىرونىۋىك سەپلەنگەن، رۇسىيە بىلەن ئىسرائىلىيە تەمىنلىگەن يىنىك قۇراللاردىن باشقا جابدۇقلارنىڭ ھەممىسى سوۋىتتا ياسالغان. ھاۋا ئارمىيىسى پەقەت ئاۋىئاتسىيە قىسمىنى تۇشۇيدۇ، دىڭىز ئارمىيىسى يوق، ھەربي خامچوتى 195مىليۇن دوللار.

شىمالىي كورىيە

شىمالىي كورىيە ئارمىيىسى دۇنيادىكى ئەڭ زور (85تۈمەندىن 120تۈمەنگىچە) ئەڭ يېپىق ئارمىيىلەرنىڭ بىرى. ھەربىي مەجبۇرىيەت تۈزىمى يۈرگۈزىدۇ، مۇددىتى 5يىلدىن 12يىلغىچە. قۇرۇقلۇق ئارمىيىسىگە 4مىڭدىن ئۇشۇق كونا تانكا، 2500بىرونىۋىك، 10400زەمبىرەك، 7500مىناميوت،2500كۆپ ئىستوۋۇلۇق رېئاكتىپ مىناميوت. ھاۋا ئارمىيسىىدە كونا تىپتىكى 590دانە خىتاي، سوۋىتنىڭ سوقۇش ئايرۇپىلانى، ھاۋا مۇداپىئە قىسمىدا 9مىڭدىن ئۇشۇق زېنىت زەمبىرەك بۇلۇپ زامانىۋى ھاۋا مۇداپىئە سېستىمىسى يوق. دىڭىز ئارمىيىسىدە 650دانە ھەرخىل كىمە بۇلۇپ بۇلاردىن 100دانە چۆكمە كىمە،5دانە شىپەرەك قوغدىغۇچى پاراخوتدىن باشقا قالغانلىرى تىزقېيىقلار. گەرچە جابدۇقلىرى كونا بولسىمۇ 3يىل ئاۋۋال شىمالىي كورىيە دىڭىز ئارمىيىسى كورىيىنىڭ بىردانە قوغدىغۇچى پاراخوتىنى چۆكتۈرىۋەتتى. ئىستىراتىگىيىلىك سىنارەد قىسمى شىمالىي كورىيە ئارمىيىسىنىڭ ئەڭ يىڭى تەركىبى بۇلۇپ شىمالىي كورىيە كۆپ قىتىم ئېتىلىش مۇساپىسى 5500كىلومىتىرلىق قىتئەلەر ئارا ئۇچىدىغان باشقۇرىلىدىغان سىنارەدكە ئىگە بولغانلىقىنى جاكارلىغان بولسىمۇ بۇ يا تېخى يا ئىنكار قىلىنمىدى يا دەلىللەنمىدى، ھەربىي خامچوتى 22مىليارد دوللار.

خىتاي

دۇنيادىكى ئادەم سانى ئەڭ كۆپ 2مىليۇن 250مىڭ كىشىلىك ئارمىيىگە ئىگە، ئۇرۇش مەزگىلىدە  200مىليۇن ئادەمنى ئۇرۇشقا سەپەرۋەر قىلالايدۇ. قۇرۇقلۇق ئارمىيىسى 1مىليۇن 700مىڭ، سەپلەنگەن -قۇرال-جابدۇقلار 7600دانە تانكا،6600بىرونىۋىك، 1200ئۆزى يۈرىدىغان گاۋبىتسا زەمبىرىكى،4000دانە كۆپ ئىستوۋۇلۇق رېئاكتىپ مىناميوت،10مىڭ دانە مىناميوت. ھاۋا ئارمىيسىىدە 4000دانە ھەرخىل ئايرۇپىلان بۇلۇپ رۇسىيىدىن ئىمپورت قىلغىنىمۇ ئۆزى ياسىغىنىمۇ بار.يەنە بىرقىسمىنى رۇسىيىنىڭ رۇخسىتى بىلەن قۇراشتۇرغان. خىتاي ئارمىيىسىنىڭ بەزى زامانىۋى ئايرۇپىلان تىپلىرى مەسىلەن س27ئۇمىي سان جەھەتتە رۇسىيىدىن ئېشىپ كەتتى. دىڭىز ئارمىيسىىدە 4دانە يادرو بۇمبىلىق ئىستىراتىگىيىلىك چۆكمە كىمە ۋە لىياۋنىڭ ناملىق ئاۋىئاماتكا، كۆپ مىقداردا قوغلىغۇچى پاراخوت، قوغدىغۇچى پاراخوت، يىنىك تىپتىكى قوغدىغۇچى پاراخوت(رىۋايەتلەردىكى شىپەرەك پاراخوت)،دىزىل ماتورلۇق چۆكمە پاراخوت، تىز قېيىق قاتارلىقلار بار. ئىستىراتىگىيىلىك سىنارەد قىسمى(2-توپچىلار)غا 66دانە تىرايوكتىرىيىلىك سىنارەد، 300دانە يادرو ئوق بېشى ئېلىپ يۈرەلەيدىغان ئوتتۇرا،  قىسقا مۇساپىلىك سىنارەد سەپلەنگەن. ھەربىي خامچوتى 115مىليارد دوللار.

ئامىرىكا

سوۋىت يىمىرىلگەندىن كىيىن ئامىرىكا بىردىنبىر دەرىجىدىن تاشقىرى دۆلەتكە ئايلاندى. ئۇمۇمىي ۋەزىپە ئۆتەۋاتقان ئەسكىرى1مىليۇن 400مىڭ، 2000تانكا ۋە 23مىڭ بىرونىۋىك، 1500دىن كۆپ سۆرىتىلىدىغان توپ،2000دىن كۆپ ئۆزى يۈرىدىغان گاۋبىتسا زەمبىرىكى،كۆپ ئىستوۋۇلۇق رېئاكتىپ مىناميوت 830، 2000دىن كۆپ مىناميوت، 2700تىك ئۇچار. ھاۋا ئارمىيىسىدە3000دانە ئادەملىك ئايرۇپىلان، 156ئادەمسىز ئايرۇپىلان، 2130دانە ھاۋادىن قۇيۇپ بىرىدىغان چارلىغۇچى باشقۇرۇلدىغان سىنارەد،450دانە قىتئەلەر ئارا ئۇچۇدىغان تىرايوكتىرىيىلىك سىنارەد (ئامىرىكىنىڭ ئىستىراتىگىيىلىك يادرو قىسمى ھاۋا ئارمىيىسىگە قاراشلىق). ئامىرىكا دىڭىز ئارمىيىسى دۇنيادىكى كۆلىمى ئەڭ زور فىلوتقا ئىگە بۇلۇپ 10دانە ئاۋىئاماتكا جەڭ توپى بار.20دانە يادرو بىلەن ھەرىكەتلىنىدىغان باشقۇرۇلىدىغان سىنارەدلىك ئوكيان چارلاش پاراخوتى، 14دانە تىرايوكتىرىيىلىك باشقۇرۇلىدىغان بومبا سەپلەنگەن يادرو چۆكمە كىمىسى، 48دانە چارلىغۇچى باشقۇرىلىدىغان سىنارەتلىك يادرو چۆكمە كىمىسى،تونناژى نىسپەتەن كىچىك كىمە-پاراخوتلىرى بىر تالاي، دۇنيادىكى باشقا دۆلەتلەرگە ئوخشىمايدىغىنى ئامىرىكا دىڭىز ئارمىيىسىنىڭ قۇرۇقلۇقتا جەڭ قىلىش قىسمى مۇستەقىل ئارمىيە بۇلۇپ پىرىزدىتقا بىۋاستە قارايدۇ. پارلامىنت ھوقۇق بەرمىگەن ئەھۋالدا ئۇرۇش قىلالايدۇ. ھەربىي خامچوتى 562مىليارد 800مىليۇن دوللار.

ياپونىيە

قوغدىنىش ئەترىتىنىڭ كۆلىمى 248مىڭ بۇلۇپ ئاساسەن پىدائىي ئەسكەرلەردىن تەركىپ تاپقان. قۇرۇقلۇق ئارمىيىسىگە 1000دىن ئۇشۇق تانكا ۋە 1000دىن ئۇشۇق بىرونىۋىك سەپلەنگەن بۇلۇپ ھەممىنى ئۆزى ئىشلەپ چىقارغان. دىڭىز ئارمىيىسىنىڭ 2دانە تىك ئۇچارلىق ئاۋىئاماتكىسى، 40دانە قوغلىغۇچى پاراخوت، 16دانە زامانىۋى چۆكمە كىمىسى بۇلۇپ ئەمەلىي كۈچى رۇسىيە تىنچ ئوكيان فىلوتىدىن كۆپ ئۈستىن تۇرىدۇ( ئەمەلىي كۈچىنى كۈچەيتىش ئۈچۈن رۇسىيە فىرانسىيىدىن شىمال شامىلى دەرىجىلىك تىك ئۇچارلىق ئاۋىئاماتكا زاكاز قىلدى)، ھاۋا ئارمىيىسىنىڭ 280دانە ئايرۇپىلانى بۇلۇپ كونىسىمۇ ناھايىتى ئىلغارلىرىمۇ بار، ئۇندىن باشقا ئامىرىكا بىلەن بىرلىشىپ 42دانە 5-ئەۋلاد F-35ئايرۇپىلانى ياسىماقچى بۇلىۋاتىدۇ. ھاۋا مۇداپىئە سېستىمىسدىن باشقا بارلىق قۇرال-جابدۇقلارنى ياپونىيە ئۆزى ياساپ چىقىرالايدۇ ياكى ئامىرىكىنىڭ رۇخسىتى بىلەن ئۆزى ئىشلەپ چىقىرىدۇ. ھەربىي 56مىليارت 900مىليۇن دوللار.

رۇسىيە

سېلىشتۇرغاندا رۇسىنىڭ ئارمىيە كۆلىمى 850مىڭ، سەپلەنگەن قۇراللار 2500تانكا،20مىڭ بىرونىۋىك، 1600جەڭ ئايرۇپىلانى، 1300تىك ئۇچار، 14دانە باشقۇرۇلىدىغان سىنارەدلىك يادرو چۆكمە كىمە، 9دانە چارلىغۇچى باشقۇرىلىدىغان بومبىلىق يادرو چۆكمە كىمە، بىر ئاۋىئاماتكا، 1دانە يادرو بىلەن ھەرىكەتلىنىدىغان باشقۇرۇلدىغان بومبىلىق ئوكيان چارلاش پاراخوتى، تەخمىنەن 100دانە ئوتتۇرا-كىچىك تىپتىكى جەڭ پاراخوتى، 100گە يىتىدىغان تىز قېيىق. ‹ئۈچۈنچى باسقۇچلۇق ئىستىراتىگىيىلىك ھۇجۇم قۇراللىرىنى قىسقارتىش شەرتنامىسى›گە ئاساسەن ئامىرىكا-رۇسىيە قارشى تەرەپنىڭ 700دانە تىرايوكتىريىلىك باشقۇرۇلدىغان سىنارەد ۋە ئېغىرتىپلىق بومباردىمانچى ئايرۇپىلان ساقلاپ قېلىشىغا يول قويغان. ئەمما رۇسىيىنىڭ ئەمەلىي سانى بۇ ئۆلچەمدىن تۆۋەن.